القلب لو مدبوح ينده بصوت مبحوح مايقولش غير أمي
انسي اني جيتك واذكري حمل السنين وماتنكريش دمي
هاتيلي سمع المحبه يسمع ندا حبي
ماتحكميش القسوه والزمن وحكمي قلبي
الدنيا ضلمه ومين غيرك يفتح شبابيكي
وتدخلي بنورك ماانتيش غريبه عشان الروح تدعيكي
وانا مهما وصلت السحاب ماكله من خيرك
ومهما لفيت بلاد ماليش وطن غيرك
ياأمي انت الفرح ليه الحرج وأنتي جنتي وناري
ياأمي ماتهديش أمل وماتكسريش فرحتي وتزودي مراري
شوفي القريب والغريب في الحزن داعيني
يقوموا أقرب ناس في الجرح باعديني
خايفه أقول ان الحكاية اشتكت من كتر ماتنقال
والقلب طول عمره للقسوه وللحمول شيال
الكل باع القضية وأنا في ساحة المحكمة
والكل كان قاضي وكنت متعشمه
ياإما تأبيده في قلوبهم والله وأنا راضيه
أو يعدموني بضربه من حديد لكن تكون قاضيه
انا عايزه احس اني موجودة بقلب وروح
مش عايزه اكون بينكم شفقه ولم جروح
طيب ولما تبعدوني مين يقربني
وكلكم في الشده قبل الفرح جربني
ليه الغريب يتمنى أكون أخته واكون امه
وليه أقرب قريب يجاهد يفرزني من دمه
قولولي فين ذنبي وهاتولي كفاره
والروح فداكم لو تكفر وماكونش محتاره
تعبت يامحامي في كل جلسه تطلب استئناف
والحكم قبل الجلسه كان ولايبطله استعطاف
اني اتولدت غريبه وعشت في وسطكم غربه
والقلب زي ماكان طول عمره فاكركم
لسه مكانكم فيه وعاليه أسواركم
خايفه عليه من الجروح لتتأذوا جواه
لاتكون في يوم قسوته على اهله ومن رباه
وارفع ايديا واقول يارب مالي سواك
وابكي ياعالم بحالي وجنتي برضاك
سمعت شكواهم ولاغيرك لشكوتي سامع
قلبي خلاص بيموت والصوت ماعاد طالع
مليت بكا ودموع ولاعايزه تاني رجوع
أفضل أعيش ليهم وقلبي أنا موجوع
والحب ليا في القلوب لما اطلبه ميت
وحبي ليهم دلوقت بدعي يارب يموت
ليست هناك تعليقات:
إرسال تعليق