الأوله آآآآه
والشط ضيع مركبي والقلب بات مـــــــــــجروح
والحزن صوت عالي والفرح صوت مبحــــــوح
والحب مش بالطلب والقلب بيت مفتــــــــــــــوح
وصفوه بإنه عبط كان الغلط مسمــــــــــــــــــوح
وانا قريت والسر باين في العيون مفضـــــــــوح
ياطيري ياللي في السما ساكن ونزلت ليه مدبوح
قالوا حمامه وهينه وبكلمه نرد الــــــــــــــــروح
القلب ياعالم صقر ويميز لو ماالكلام هايبـــــــوح
ياااااما سقينا الفرح وياااااااما دفنا جــــــــــــروح
والقلب شايل بالمحبة حتى اللي منه يـــــــــــروح
والتانيه آآآآه
لماالقضا يحكم والفرح ناسينـــــــــــــــــي
واما الحبايب يجرحوا وأما الطبيب يبكيني
وأما الكلام يتمنع والحزن يروينــــــــــــي
اجري وادور على اللي يحمينــــــــــــــــي
ويسكت الأاااه الي جوا الروح بتكوينــــــي
والتالته آآآآآه
خبيتوا عني سطور ونسيتوا إني اللي كتـــــــب
ولما اموت او حتى ابكي ليه ياللي تحبوا العـجب
امري وامر الخلايق بإيده ولاتكونوا سبـــــــــب
محتاجه للي يقول مالك في وشي ولايقول بالأدب
لما الحبايب عن الدوا يتوهوا ولاعادش عندي عتب
ولما مشاعرقلبي تبقى لعبة فمش هالوم اللي لـــعب
وعجبي .....
ليست هناك تعليقات:
إرسال تعليق